Tilboð í byggingu fyrir Alþingi opnuð
Fjögur tilboð bárust
Tilboð í uppsteypu og fullnaðarfrágang skrifstofubyggingar Alþingis voru opnuð í dag. Fjögur tilboð bárust, en útboð var gert á EES svæðinu.
Útboðið var auglýst í lok júní, gögn afhent 1. júlí og skiluðu fjögur verktakafyrirtæki inn tilboðum.
Útboðið tók til framkvæmda við jarðvinnu, uppsteypu og fullnaðar- og lóðarfrágangs hússins. Hönnun þess byggir á samkeppnistillögu Studio Granda sem hlaut 1. verðlaun í samkeppni um hönnun hússins. Aðilar hönnunarteymis eru Studio Granda og EFLA.
Byggingin verður skrifstofu og þjónustuhús Alþingis og mun standa við horn Tjarnargötu og Vonarstrætis. Fyrirhuguð nýbygging (grunnhús á 4 hæðum ásamt 5. hæð og kjallara) er um 6.362 m2 að stærð og þar af er bílakjallari um 1.300 m2.
Mjótt var á mununum á milli bjóðenda, eins og sjá má á tilboðunum:
| Bjóðandi | Tilboð í verk A | % af áætlun | Tilboð í verk B |
| ÞG verktakar | 3.047.032.626 | 93% | 3.327.158.429 |
| Ístak hf. | 3.066.270.625 | 94% | 3.359.318.174 |
| Eykt. | 3.897.277.130 | 119% | 4.267.244.575 |
| Rizzani de Eccher S.p.A. | 4.030.076.362 | 123% | 4.423.664.337 |
| Kostnaðaráætlun FSR | 3.270.030.787 | 100% |