FSRE hlýtur viðurkenningu Jafnægisvogar FKA 2024
FSRE hefur hlotið viðurkenningu Jafnvægisvogar FKA nú í fjórða sinn. Jafnvægisvogin veitti að þessu sinni viðurkenningar til 93 fyrirtækja, 15 sveitarfélaga og 22 opinberra aðila úr hópi þeirra 247 þátttakenda sem hafa undirritað viljayfirlýsingu.
Stjórnendur og starfsfólk FSRE er stolt af því að vera þátttakendur í hreyfiaflsverkefninu Jafnvægisvoginni. Í stofnuninni er unnið markvisst að því að skapa vinnuumhverfi þar sem allt starfsfólk finnur fyrir virðingu og stuðningi. Það lýtur meðal annars að því að bjóða upp á jafna athygli og jöfn tækifæri til að vaxa og þróast í starfi. Þessi viðurkenning er hvatning til að halda áfram á þeirri braut og gera enn betur í framtíðinni.