Barnaverndarstofa - húsnæði fyrir meðferðarheimili

Um verkefnið

Velferðarráðuneytið fól Barnaverndarstofu að hefja undirbúning að stofnun meðferðarheimilis á höfuðborgarsvæðinu. Meðferðarheimilið mun skiptast annars vegar í meðferðarhluta og hins vegar í þjónustuhluta. Meðferðarhlutinn skal rúma aðstöðu fyrir sex einstaklinga í tveimur aðskildum einingum, um 460 m² , og öryggis- og móttökurými fyrir tvo einstaklinga, um 110 m². Þjónustuhlutinn skal rúma sameiginleg rými, fjölskylduíbúð, skrifstofur, starfsmannaaðstöðu og önnur stoðrými, um 430 m². Gert er ráð fyrir að starfsemin taki mið af tegund gagnreyndrar meðferðar og verklags sem þróað hefur verið á Norðurlöndum undir heitinu „MultifunC“ og hefur Barnaverndarstofa fengið formlegt leyfi til að innleiða þær aðferðir á meðferðarstofnun með viðeigandi aðlögun að aðstæðum og þörfum hér á landi. 

Nánari upplýsingar veitir verkefnastjóri.