Ofanflóðavarnir Eskifirði - Ljósá

Um verkefnið

Um er að ræða krapaflóðsvarnir í og við farveg Ljósár á Eskifirði. Farvegurinn er breikkaður og dýpkaður og botn og bakkar mótaðir með steyptum veggjum og grjóthleðslu. Einnig eru steyptir leiðiveggir beggja megin við efri hluta farvegar og byggðar steyptar brýr yfir Ljósá á Strandgötu og á Steinholtsvegi.

Verkhönnun annast EFLA verkfræðistofa hf. og Landmótun sf. Útboðið var auglýst í desember 2016. Tilboð voru opnuð 17. janúar 2017. Samið var við Héraðsverk ehf. og hófust framkvæmdir í mars. Þær hafa gengið vel og mun þeim ljúka sumarið 2018.