Bygging nr. 179 - Keflavíkurflugvelli. Viðbygging og endurbætur

Um verkefnið

Um er að ræða nýja viðbyggingu og endurbætur á núverandi húsnæði þar sem starfrækt er mötuneyti, fyrirlestrasalur og tölvuver Landhelgisgæslunnar á Keflavíkurflugvelli. Byggingin er um 900 m² að stærð á einni hæð. Fara þarf inn um vaktað hlið  til þess að komast á verkstað og skulu starfsmenn verktaka hafa aðgangsheimild inn á vinnusvæðið og fylgja öryggisreglum og fyrirmælum Landhelgisgæslu Íslands, Isavia og þeim reglum sem gilda á öryggissvæðinu á Keflavíkurflugvelli.  

Verkkaupi er Landhelgisgæsla Íslands.

Nánari upplýsingar veitir verkefnastjóri. 

Verkleg framkvæmd

Útboð var auglýst í byrjun júní 2018 og tilboð opnuð 19. júní 2018. Tvö tilboð bárust. Tilboði lægstbjóðanda, Bergraf ehf., upp á 151.535.765 krónur var tekið 9. júlí 2018. Kostnaðaráætlun var 151.209.000 krónur og var tilboð Bergraf því 100,22% af kostnaðaráætlun.