Húsnæði viðbragðsaðila á höfuðborgarsvæðinu

Húsnæði löggæslu- og viðbragðsaðila á höfuðborgarsvæðinu nær yfir sjö aðila:

• Lögreglan á höfuðborgarsvæðinu
• Ríkislögreglustjóri
• Landhelgisgæslan
• Slysavarnarfélagið Landsbjörg
• Tollgæslan
• Slökkvilið höfuðborgarsvæðisins - yfirstjórn
• Neyðarlínan 112

Forsendur verkefnisins eru eftirfarandi:

• Viðbragðs- og þjónustustig löggæslu- og viðbragðsaðila við almenning verði eflt.
• Húsnæðis- og aðstöðumál aðilanna leyst með hagkvæmum hætti.
• Byggt verði yfir verkefni, ekki aðila.
• Samvinna, samþætting, samlegð og þekkingarmiðlun milli aðila eflist.
• Verkefnamiðað vinnuumhverfi verði tekið upp.
• Aðstaða verði í sveigjanlegu húsnæði.

Samkomulag ríkis og Reykjavíkurborgar um staðarval hússins var undirritað í sumar. Mun húsið rísa við Kleppsgarða 2 á um það bil 30.000 m² lóð.

Lóð HVH við Kleppsgarða.

Niðurstaða þarfagreiningar gaf til kynna að þörf væri á rúmlega 26.000 m² húsnæði.

Útboðsferli verkefnisins hófst með forvali arkitekta. Fimm teymi verða valin úr forvalinu til að taka þátt í lokuðu samkeppnisútboði í þremur þrepum. Í þrepi 1 skila arkitektateymin inn hönnunartillögum og velur matsnefnd tvær tillögur til að halda áfram í þrep 2. Í lokin á þrepi 2 er ein tilalga valin af matsnefnd. Í þrepi 3 er forhönnun vinningstillögurnar lokið. Í þrepum 2 og 3 er notendasamráð.

Arkitektar, verkfræðingar og verktaki verða tengdir saman snemma í ferlinu í þeirri viðleitni að fá sem besta niðurstöðu fyrir verkefnið. Forval verktaka og verkfræðingateymis (VV teymi) hefst að loknu forvali arkitekta. Þrjú teymi verða valin til að taka þátt í lokuðu samkeppnisútboði. Í þrepi 2 og 3 verða teymin látin meta arkitektatillögurnar m.t.t. kostnaðar og framkvæmda. Að loknu þrepi 3 er eitt VV-teymi valið út frá verðtilboði í vinningstillögu arkitekta.

Að þessu loknu tekur við gerð aðaluppdrátt og undirbúningur framkvæmdar og að lokum verkhönnun og framkvæmd.

Arkitektar, verkfræðingar, verktaki og verkkaupi verkefnisins munu í þrepum 2 og 3 (forhönnun), aðaluppdráttum ásamt hluta verkhönnunnar vinna í sameiginlegri vinnuaðstöðu, sem verkkaupi útvegar.

Áætlað er að verkinu ljúki í árslok 2027.